O Teatro Resoante coordinou, dentro do programa de obradoiros 2009 de Universidade Invisíbel, o taller sobre cinema do que ademais impartiu dúas das tres sesións que se fixeron. Estas sesións consistiron nunha montaxe en directo de fragmentos audiovisuais da historia do cinema sobre as que se superpoñen comentarios e ideas en voz en off, no que procura ser un xogo resoante, entre memoria e cinema, pantalla e pensamento, potencialidade da imaxe nos nosos días. O taller o completou unha visita da xente da comunidade de Olho Livre que nos presentaron os seus proxectos así como as súas ferramentas; estreitamente comprometidas co software libre. Aquí podes ver cartaz e programa dos Obradoiros de Universidade Invisíbel. A proposta de Teatro Resoante leva tamén unha implementación e seguimento en wiki aquí.