GRAZAS inmensas ao IES de PORTO DO SON, aos profesor@s Anxela do Val e Isidoro (Filosofía), ao proxecto VINTE10 de SONCINE, aos alumn@s Raquel e David, cámaras nesta gravación, polo material xerado, o interese amosado, e coidado posto nesta produción; satisfácenos enormemente dar pé a este tipo de traballos e que O TEATRO RESOANTE vaia alén do seu dominio e xere materiais e actividades que se lle escapen e por riba, teñan cabida nunha asignatura de interese pedagóxico tamén.

 vídeo de A caverna de Platón en Porto do Son

valoramos:

• que o proxecto xere outros materiais cunha execución autónoma e até unha lectura autónoma, realizada non estrictamente por nós, o que dá qué pensar sobre a interactividade do proxecto.
• que se confirma o feito de que é importante un aula de audiovisuais nos centros, pois é unha "industria" incipiente, vinculada ás humanidades, e á filosofía, e que se dea así, parécenos xenial e oportuno, e incluso se ve que pode ser así para @s alumn@s, que se ven estimulad@s. 
• o bo ambiente e a colaboración IES PORTO DO SON/teatro resoante, directamente, independentemente das posíbeis mediacións.
• que o vídeo, está ben feito, orixinal, cunha estructura post-narrativa moi contemporánea, a través da simultaneidade; inesperadamente moi acorde co propósito e espírito do noso proxecto